როგორ ვმუშაობთ შენს მონაცემებზე.
ბოლო განახლება: 2026 წლის 21 აგვისტო
ScanERI ეხმარება მომხმარებელს გაიგოს, რამდენად ჯანსაღია საკვები პროდუქტი — შტრიხკოდის დასკანერებით ან შემადგენლობის ფოტოს გადაღებით. აპლიკაცია ანგარიშის შექმნას, სახელს, ელფოსტას ან ტელეფონის ნომერს არ ითხოვს.
| მონაცემი | რატომ | რამდენ ხანს |
|---|---|---|
| ინსტალაციის იდენტიფიკატორი (შემთხვევითი ნომერი, რომელსაც აპლიკაცია თვითონ ქმნის) და ანონიმური ანგარიშის ტოკენი | რომ მონეტების ბალანსი და გამოწერა შენს მოწყობილობას დაუკავშირდეს | სანამ აპლიკაცია დაყენებულია |
| IP მისამართი | უსაფრთხოება და რეკლამებით ბოროტად სარგებლობის შეზღუდვა | ბოლო მისამართი ინახება, ისტორია — არა |
| დასკანერებული შტრიხკოდები და მონეტების მოძრაობა | ანალიზის ჩვენება და ბალანსის ისტორია | ბოლო 30 ჩანაწერი |
| შემადგენლობის ფოტო | ეტიკეტის ტექსტის ამოკითხვა AI-ით | სერვერზე არ ინახება — მუშავდება და იშლება |
| შესყიდვის ტოკენი (გამოწერისას) | Google-თან გამოწერის სტატუსის შემოწმება | სანამ გამოწერა აქტიურია |
| რეკლამის იდენტიფიკატორი | აგროვებს Google AdMob რეკლამის საჩვენებლად | იხ. Google-ის პოლიტიკა |
მონაცემებს არავის ვყიდით და სარეკლამო მიზნით მესამე მხარეს არ გადავცემთ.
ანალიზი მონეტებს ხარჯავს. მონეტების მიღება შეიძლება უფასოდ — რეკლამის ნახვით — ან ყოველთვიური გამოწერით. რეკლამის ნახვის ფაქტს ჩვენს სერვერს პირდაპირ Google ადასტურებს; ჯილდო აპლიკაციის განაცხადს არ ეყრდნობა. გამოწერის გაუქმება ნებისმიერ დროს შეგიძლია Google Play-ის პარამეტრებში.
კამერა გამოიყენება მხოლოდ მაშინ, როცა თვითონ გახსნი სკანერს ან ინგრედიენტების ფოტოს ეკრანს. ფონურად არასდროს ჩაირთვება, ვიდეო არ იწერება. გალერეიდან ატვირთვისას მხოლოდ ის სურათი იკითხება, რომელსაც აირჩევ.
სკანირებების ისტორია (ბოლო 10), რჩეულები (10-მდე) და მათი ფოტოები შენს მოწყობილობაზეა და ჩვენს სერვერზე არ იგზავნება. აპლიკაციის წაშლა ამ მონაცემებს შლის.
აპლიკაცია არ არის განკუთვნილი 13 წლამდე ბავშვებისთვის და შეგნებულად არ ვაგროვებთ მათ მონაცემებს.
შეგიძლია მოითხოვო შენს ინსტალაციასთან დაკავშირებული ყველა მონაცემის წაშლა — მოგვწერე ქვემოთ მითითებულ მისამართზე. წაშლის მოთხოვნა სრულდება 30 დღეში. ასევე, აპლიკაციის წაშლა ტელეფონიდან ავტომატურად წყვეტს ახალი მონაცემების შეგროვებას.
პოლიტიკის განახლებისას ამ გვერდზე შეიცვლება თარიღი. მნიშვნელოვან ცვლილებებზე აპლიკაციაშივე შეგატყობინებთ.
კითხვები და მონაცემების წაშლის მოთხოვნები: sabajoglidze@gmail.com